متابعة مع فريق طبي كامل لتقييم النتايج ومساعدتك وتحديث البرنامج

طبعا دي من أكتر الخرافات المتكررة في الحياة بس خليني ارد عليك بشكل علمي، مينفعش نقول رقم محدد نخسه في أسبوعين أو حتى شهر هكون بضحك عليك لان فيه عوامل كتير بتحدد الموضوع ده زي طبيعة جسمك و مدي التزامك و معدل حرقك .. الخ و لكن الاكيد اننا بشوية التزام هنوصل لأحسن نتيجة ملموسة و واضحة على شكل حياتك كلها

خلينا متفقين أن في أنواع دايت كتير مختلفة زي الكيتو والصيام المتقطع و السعرات لكن في النهاية مفيش إجابة نموذجية الموضوع بيعتمد علي متغيرات كتير و ده بنحددوا بناء علي جسمك و هدفك من غير ما نمشي وراء ترند معين

مفيش أي حل سحري لنزول الوزن سواء مشروب أو حتى كبسولة، الحل الوحيد عشان تخس هو انك تلتزم بدايت صحي محسوب لاحتياجك بالظبط و كقاعده عامه الي بيخلينا نخس هو أن كميه السعرات اللي بتدخلها لجسمك تكون اقل من اللي جسمك بيستهلكها ( معادله الكالوريز calorie in \ out ) و عشان كده أنا بساعدك في حساب الدايت اللي هيوصلك لهدفك في أسرع وقت ممكن .

النشويات مش العدو بتاعنا ابدا أنت لما بتقطع نشويات بتخس وزن وهمي وده بسبب نزول كميه كبيرة من المياه في جسمك بشكل سريع و لكن بمجرد انك ترجع تاكل نشويات تاني جسمك بيملي مياه و بترجع لنفس وزنك و لكن في الحقيقه الدايت الصح لازم يحتوي علي كل الماكروز اللازمه للجسم و لكن تكون محسوبه بنسب معينه طبقا لهدفك